İran Türkiyəyə nota verib

İran Türkiyəyə nota verib

İran hökuməti bu ölkəyə məxsus yük avtomobilləri və avtobusların Türkiyə ərazisində PKK terrorçularının hücumuna məruz qalması ilə əlaqədar Ankaraya nota verib.

APA-nın İRNA-ya istinadən verdiyi məlumata görə, Türkiyənin İrandakı səfiri Rza Hakan Tekinbu ölkənin Xarici İşlər Nazirliyinə çağırılıb. Ona İran vətəndaşlarının Türkiyədə hücumlara məruz qalmasından duyulan narahatlıq çatdırılıb və Ankaradan ciddi tədbirlər görməsi tələb olunub.  
 
Qeyd edək ki, iyulun sonlarından indiyə qədər Türkiyədə İrana məxsus 9 ədəd yük avtomobili və 1 sərnişin avtobusu terrorçuların hücumuna məruz qalıb. Nəticədə 1 İran vətəndaşı ölüb.   

 

Xəbər lenti