Şəhid və Qarabağ qazilərinin ailə üzvləri üçün ödənişsiz kurs

Şəhid və Qarabağ qazilərinin ailə üzvləri üçün ödənişsiz kurs
12 Oktyabr 2018, 12:00
12 Oktyabr
2018
12:00
156
"Veysəloğlu” şirkətlər qrupu özünün Korporativ Sosial Məsuliyyət (KSM) istiqamətində "İstedadlı gənc” proqramı çərçivəsində yeni layihəyə start verir. Belə ki, şirkət sosial layihə olaraq, "Veb Dizayn" (saytın layihələnməsi, yaradılması və idarəedilməsi) kimi xeyriyyə xarakterli 3 aylıq kurslar təşkil etməyə hazırlaşır. Kursa Qarabağ qaziləri, şəhid ailələrinin övladları və ailə üzvləri (17-25 yaş arası) cəlb ediləcək.

Qeyd edək ki, 48 saatlıq proqram əsasında təşkil olunacaq kursu bitirən gənclərə Nəqliyyat, Rabitə və Yüksək Texnologiyalar Nazirliyinin sertifikatı təqdim ediləcək. Dərslər Odlar Yurdu Universitetinin "Texnoparkında” "Peşəyönümlü təhsilin inkişafına yardım” ictimai birliyinin müəllimləri tərəfindən tədris olunacaq.

"Veysəloğlu” şirkətlər qrupunun "Veb Dizayn" kursları təşkil etməkdə məqsədi bu sahəyə marağı olan gənclərin bilik və bacarıqlarını artırmaq, peşəkar səviyyəyə çatdırmaq, habelə, kursu bitirərək iş tapmalarına yardımçı olmaqdır.

Xatırladaq ki, "Veb Dizayn" kursunun dərsləri 1 noyabr 2018-ci ildə başlayacaq. Bu kursda İKT sahəsində ibtidai bilikləri olan 10 gənc iştirak edə biləcək. Layihədə iştirak etmək istəyən şəhid və Qarabağ qazilərinin övladları özləri haqqında məlumatı 20.10.2018-ci il tarixinə qədər [email protected] email ünvanına göndərə bilərlər.



Xəbər lenti

Bütün xəbərlər

Digər xəbərlər